2025.05.25-наас 28-ны өдрүүдэд 4 багийн ИНХ-ын анхдугаар хуралдаанууд хуралдаж багийн Засаг дарга, БИНХ-ын хуралдааны дарга нарыг сонголоо. Тусгалт багийн ИНХ-ын даргаар Б.Өлзийбаяр, багийн Засаг даргаар Б.Мөнхбаяр Зуун мод багийн ИНХ-ын даргаар Г.Очирбат, багийн Засаг даргаар Б.Энхсайхан Тамир багийн ИНХ-ын даргаар Ж.Пүрэвцэрэн, багийн Засаг даргаар Т.Долгор Баянбулаг багийн ИНХ-ын даргаар Д.Содномцэрэн, багийн Засаг даргаар Л.Цогоо нар сонгогдлоо.

2025.05.21, 22-ны өдрүүдэд Улаанбаатар хот төрийн ордонд "Бид эмэгтэйчүүд" сэдвийн хүрээнд аймаг, сумдын эмэгтэй төлөөлөгч нарыг оролцуулж сумын Хурлын 2 эмэгтэй төлөөлөгч оролцлоо.

"Бүсчилсэн хөгжил-Төрийн албаны манлайлал" Хангайн бүсийн зөвлөгөөнд Хурлын нарийн бичгийн дарга, Засаг даргын тамгын газрын дарга, төрийн үйлчилгээний албан хаагч нарын 4 хүний бүрэлдэхүүнтэй оролцлоо. Бүсчилсэн зөвлөгөөнийг Монгол Улсын Их Хурлын Төрийн байгуулалтын байнгын хороо, Ёс зүй, дэгийн байнгын хороо болон Төрийн албаны зөвлөл, Ёс зүйн хороотой хамтран зохион байгуулж хууль тогтоомжийн хэрэглээ, бэрхшээл, шийдэл, төрийн албан хаагчийн үнэт зүйл, төлөвшил, ажил амьдралын тэнцвэр, дижитал төр, оюун ухааны технологи, карьер хөгжлийн талаар сонирхолтой, үр дүнтэй сургалт боллоо.

2025.05.08-09-ний өдрүүдэд сумын ИТХ-ын Төлөөлөгчид Улаанбаатар хотод МНУХ-ны Төлөөлөгчдийг чадавхижуулах сургалтад хамрагдаж төрийн ордонтой танилцлаа.

"Авлигагүй нийгмийн төлөө хамтдаа" соён гэгээрүүлэх аяны нээлтийг 2025.05.01-ний өдөр сумын ИТХ, ЗДТГазрын албан хаагчдад сургалт хийж төсөвт байгууллага бүр нээлт хийлээ.

Сумын ГХУСАЗСЗөвлөлөөс ЕБС-ын өсвөрийн цагдаа нарыг хүлээн авч уулзлаа. Сурагчид 2025.04.30-ны өдөр " Өсвөрийн сэргийлэгч 2025" хангайн бүсийн аймгийн аварга шалгаруулах тэмцээнд оролцохоор бэлтгэлээ хангаж байгаа тул Хурлын дарга Б.Батмөнх тэмцээнд нь амжилт хүсч тэмцээнд оролцох зардлыг Сумын ГХУСАЗСЗөвлөлөөс гаргаж дэмжихээ илэрхийллээ.

2025.02.13-ны өдөр Аймгийн ИТХ-ын дарга П.Гомбодоржоор ахлуулсан ажлын хэсэг суманд ажиллаа. Ажлын хэсгийн бүрэлдэхүүнд Аймгийн ИТХ-ын ажлын алба, ГХУСАЗСЗөвлөл, Цагдаагийн газар, онцгой байдлын газар, Халамж үйлчилгээний газар, Нийгмийн даатгалын хэлтэс, Хүүхэд гэр бүл хөгжлийн газрын төлөөлөл ирж сумын ИТХ-ын үйл ажиллагаатай танилцаж, Хурлын Төлөөлөгчдөд сургалт хийж, иргэдэд сургалт мэдээлэл хийж, ЕБС-ын ахлах ангийн сурагчдад сургалт мэдээлэл хийв. Мөн үдэшлэг арга хэмжээ зохион байгуулж Аха тэмцээн, хөгжөөнт тоглоом тоглуулж иргэдийг урамшууллаа.

2025.02.10-ны өдөр Сумын ИТХ-ын Зөвлөл 71,4 хувийн ирцтэй хуралдав. Хурлаар Зөвлөлийн 2025 онд хийх ажлын төлөвлөгөө, ИТХ-ын 2024-2028 оны Стратеги зорилтыг хэлэлцэн баталлаа.

Сумын ГХУСАЗСЗөвлөл 2025.01.14-ний өдөр хуралдаж 2025 оны ажлын төлөвлөгөөгөө хэлэлцэн баталлаа. 2025 онд ИТХ-ын төсөвт 5,0 сая төгрөг төсөвлөсөн бөгөөд ЗДТГ-ын төсөвт хамтарсан багт 5,0 сая төгрөг багуудад ГХУС зардалд 16,0 сая төгрөг баталсаныг хамтран зарцуулахаар төлөвлөгөөнд тусгаж санал солилцлоо

Сумын иргэдийн төлөөлөгчдийн Хурлын ээлжит гуравдугаар хуралдаан 2024.12.25-ны өдөр хуралдаж дараах 7 асуудлыг хэлэлцэн баталлаа. Үүнд: 1. Сумын ГХУСАЗСЗөвлөлийн бүрэлдэхүүнийг шинэчлэн батлах тухай, 2024 оны ажлын тайлан тавих 2. Сумын 2025 оны газар зохион байгуулалтын төлөвлөгөө батлах тухай 3. 2025 онд ойгоос бэлтгэх модны хэмжээг тогтоох тухай 4. Хоршоо хөгжүүлэх сан, орон нутгийн хөгжлийн сангийн тайлан хэлэлцэх тухай 5. Сумын Засаг даргын 2024-2028 оны үйл ажиллагааны мөрийн хөтөлбөр батлах тухай 6. Сумын 2025 оны хөгжлийн төлөвлөгөө батлах тухай 7. Сумын 2025 оны төсөв батлах тухай

2024.12.23-ны өдөр Хурлын зөвлөл хуралдаж 2024.12.25-нд хуралдах ээлжит гуравдугаар хуралдаанаар хэлэлцэх асуудлын дарааллыг тогтоов. Үүнд: 1. Гэмт хэргээс урьдчилан сэргийлэх салбар зөвлөлийн бүрэлдэхүүнийг шинэчлэн батлах тухай 2. 2025 оны газар зохион байгуулалтын төлөвлөгөө батлах тухай 3. 2025 онд ойгоос бэлтгэх модны хэмжээг батлах тухай 4. Сумын Засаг даргын 2024-2028 оны үйл ажиллагааны мөрийн хөтөлбөр батлах тухай 5. Сумын 2025 оны хөгжлийн төлөвлөгөө батлах тухай 6. Хоршоо хөгжүүлэх сан, орон нутгийн хөгжлийн сангийн хөрөнгөөр хийгдсэн ажлын тайлан сонсох тухай 7. Сумын 2025 оны төсөв батлах тухай

Сумын ИТХ-ын ээлжит бус хоёрдугаар хуралдаан 2024.11.27-ны өдөр хуралдав. Аймгийн Засаг даргаас Анхдугаар хуралдаанаар Сумын Засаг даргад нэр дэвшүүлсэн Б.Бат-Очирыг батлах боломгүй гэж буцаасан албан бичиг ирж ээлжит бус хоёругаар хуралдаанаар Сумын Засаг даргад Ц.Төрхүүгийн нэрийг дэвшүүлэн хуралд оролцсон 19 төлөөлөгч 100 хувийн саналаар дэмжиж уламжлав.

2024.11.26-ны өдөр Сумын ИТХ, ГХУСАЗСЗөвлөлөөс ЕБС-ын 8-9 ангийн сурагчдын дунд "Үндсэн хуулиа хэн сайн мэдэх вэ?" сэдэвт Эссэ бичлэгийн уралдаан зарлан явууллаа. Уралдаанд нийт 20 сурагч оролцож Тэргүүн байранд 8а -ангийн сурагч Б.Мөнх-Ундрах, дэд байранд 8а-ангийн сурагч Э.Эрхэмбаяр, гутгаар байранд 8а-ангийн сурагч Н.Шинэбаяр нар шалгарч Өргөмжлөл, мөнгөн шагналаар шагнав.

2024.11.23-ны өдөр Сумын ИТХ-аас Шатар сонирхогчдын Сумын аварга шалгаруулах тэмцээнийг зохион байгуулав. Тэмцээнд 5 эрэгтэй тамирчин оролцож тойргоор тоглов. Тэмцээний 1-р байранд Г.Гантогтох, 2-р байранд Б.Мөнхбаатар, 3-р байранд Ю.Нямсүрэн нар шалгарч Өргөмжлөл, мөнгөн шагналаар урамшууллаа. 1, 2-р байр эзэлсэн тамирчдад Аймгийн аварга шалгаруулах тэмцээнд оролцох эрхийн бичиг олгов.

Сумын ИТХ-ын анхдугаар хуралдаан 2024 оны 10 дугаар сарын 28-ны өдөр 100 хувийн ирцтэйгээр хуралдав. Сонгуулийн хорооноос танилцуулсан дүнгийн дагуу Төлөөлөгчдийн бүрэн эрхийг зөвшөөрөв. ИТХ-ын даргаар Бямбаа овогтой Батмөнхийг хуралд оролцсон төлөөлөгчдийн 57,1 хувийн саналаар улираан сонгож баталлаа. Сумын Засаг даргад Болдбаатар овогтой Бат-Очирын нэрийг дэвшүүлэн 52,3 хувийн саналаар дэмжиж аймгийн Засаг даргад уламжиллаа. Тус хуралдаанаар Хурлын зөвлөлийг 7 хүний бүрэлдэхүүнтэй байгууллаа. Хурлын хороодыг шинэчлэн баталлаа. Шинээр сонгогдсон төлөөлөгчдийн 8 буюу 38 хувь нь анх удаа сонгогдсон байна. Эмэгтэй төлөөлөгё 5 сонгогдсон байна.

Улс төрийн хилс хэрэгт хэлмэгдэгсдийн дурсгалыг хүндэтгэх 29 дэх жилийн хүрээнд Ерөнхий боловсролын сургуулийн 9-р ангийн сурагчдын дунд Эссэ бичлэгийн уралдаан зарлаж 1-р байрт 9а ангийн сурагч О.Маралмаа, 2-р байрт Р.Булганчимэг, 3-р байрт Д.Намуундарь нар шалгарч Өргөмжлөл мөнгөн шагналаар шагнав.

Сумын ИТХ 2020-2024 оны бүрэн эрхийн хугацааны сүүлийн хуралдаан ээлжит 17-р хуралдаан хуралдаж Сумын хөгжлийн ерөнхий төлөвлөгөөний санал батлах тухай, 2024 оны төсөвт тодотгол хийх тухай 2 асуудлыг хэлэлцэн баталлаа.

2023.11.26-ны өдөр Шатар сонирхогчдын сумын аварга шалгаруулах тэмцээн болов. Тэмцээнд эрэгтэй-10, эмэгтэй-3 тамирчин оролцож эрэгтэй энхий 2 байр, эмэгтэй 1 байр эзлүүлж УИХ-ын гарын үсэг бүхий батламж, мөнгөн шагналаар шагнаж урамшуулав. Тэргүүн байр эзэлсэн шатарчдыг аймгийн аварга шалгаруулах тэмцээнд оролцох эрхийг олголоо.

2023.11.06-ний өдөр Баянбулаг багийн ИНХ хуралдав.