Нутгийн удирдлагын байгууллагын ойг тэмдэглэн өнгөрүүллээ
2017.12.02-ний өдөр Архангай аймагт Нутгийн удирдлагын байгууллагын шинэ тогтолцоо үүсч хөгжсөний 25 жилийн ойг тэмдэглэн өнгөрүүллээ. Ойн арга хэмжээнд сумдын ИТХ-ын дарга, нарийн бичгийн дарга, Засаг дарга, хамгийн олон удаа сонгогдсон ахмад төлөөлөгчдийг урин оролцууллаа. Олон удаа сонгогдсон төлөөлөгчдийг төрийн дээд шагнал, Монголын нутгийн удирдлагын холбооны шагнал "Соёмбо", "Нутгийн удирдлагын холбооны тэргүүний ажилтан" цол тэмдэгээр шагнаж урамшууллаа. Булган сумаас оролцсон төлөөлөгчдөөс И.Амартүвшинг төрийн дээд шагнал "Алтан гадас" одонгоор, С.Мишка, Л.Цогоо нарыг нутгийн удирдлагын тэргүүний ажилтан цол тэмдэгээр, С.Ганбатыг "Соёмбо" одонгоор тус тус шагнаж урамшууллаа.